“არ მინდა, სხვამ თავი ისე იგრძნოს, როგორც მე” – მეგან მარკლის ინტერვიუ, რომელსაც ხმაური და კომენტარები მოჰყვა
“კიბერბულინგი და მისი გავლენა” – ეს იყო იმ ინტერვიუს მთავარი თემა, CBS News-ზე მეგანის დაბადების დღეს, 4 აგვისტოს გამოქვეყნდა. ამის წინაპირობა კი, სავარაუდოდ, მეგანისა და ჰარის დამოკიდებულება იყო – წყვილი თვლის, რომ ისინი შექმნილი ვითარების გამო ბრიტანეთში თავს დაცულად არ გრძნობენ და ორი წელია, რაც ისინი ერთად ლონდონში არ ჩასულან.
მეგანმა ინტერვიუში ვრცლად ისაუბრა ბულინგისა და მისი გავლენის შესახებ: ” ბულინგის მსხვერპლი შეიძლება ნებისმიერი ადამიანი გახდეს. ჩვენ ყოველთვის ვამბობთ, ადრე თუ თქვენი შვილები სახლში იყვნენ, იცოდით, რომ მათ არაფერი ემუქრებოდათ, ახლა ისინი შეიძლება გვერდით ოთახში ისხდნენ პლანშეტით ან ტელეფონით და საფრთხის წინაშე იდგნენ. სანამ თქვენ ამას გაიგებთ და ზომებს მიიღებთ, 24 საათში შეუძლიათ თვითმკვლელობით დაასრულონ სიცოცხლე”, – ამბობდა მეგანი.
- პრინც ჰარის და მეგან მარკლის ურთიერთობა დიდხანს ვეღარ გაგრძელდება – ჟესტი, რომელიც მათ სავარაუდო განქორწინებაზე მიუთითებს
- მეგან მარკლის “სისხლიანი” საყურეები: როგორ გაანადგურა ერთმა სამკაულმა სამეფო ოჯახი?
მეგანი და ჰარი ამ პრობლემას სიღრმისეულად იკვლევენ და მათ ფონდში არსებობს განყოფილება იმ მშობლებისთვის, რომელთა შვილებიც სოციალური ქსელების დიდ გავლენას განიცდიან. ეს თემა განსაკუთრებით ახლობელია მეგანისთვის, რადგან მან სულ ცოტა ხნის წინ კიბერბულინგის გამო თვითმკვლელობაზეც კი ფიქრობდა. ჰარის ასევე აქვს გადატანილი მძიმე ფსიქოლოგიური ზეწოლა და ტრავმა.
“არ მინდა, სხვამ თავი ისე იგრძნოს, როგორც მე. არ ვისურვებდი, რომ სხვამ იფიქროს გამოუსწორებელ გამოსავალზე, რასაც თვითმკვლელობა ჰქვია. არასოდეს ვისურვებდი, რომ სხვისიც ისევე არ სჯეროდეთ, როგორც ჩემი არ სჯეროდათ. თუ მე ვისაუბრებ იმაზე, რაც გადავიტანე და ეს გადაარჩენს ვინმეს ან გამბედაობას შესძენს ცხოვრებაში, მე მივიღებ ამ დარტყმას საკუთარ თავზე და კიდევ ერთხელ ვისაუბრებ ამ თემაზე ხმამაღლა”, – ამბობდა მეგანი.
მეგანისა და ჰარის ამ ინტერვიუს, ისევე, როგორც ყველა სხვა დანარჩენს, ექსპერტების შეფასებები მალევე მოჰყვა. წერდნენ, რომ მეგანი ამ განცხადებების გაკეთების დროს ძალიან ღელავდა, ხშირად ეხებოდა ჰარის ხელს, რომ მხარდაჭერა ეგრძნო, ნერვიულად ისწორებდა თმას…
მეგან მარკლი
მეგან მარკლი დაიბადა 1981 წლის 4 აგვისტოს ლოს-ანჯელესში, კალიფორნიაში. იგი არის თომას მარკლისა და დორია რაგლანდის ქალიშვილი. მამის მხრიდან იგი ინგლისელ-ირლანდიელია, ხოლო დედის ხაზით აფროამერიკელი. სკოლის დამთავრების შემდეგ უმაღლესი განათლების მისაღებად ჩრდილოდასავლეთის უნივერსიტეტში განაგრძო სწავლა, სადაც ბაკალავრის ხარისხი მიიღო საშემსრულებლო ხელოვნებასა და საერთაშორისო ურთიერთობებში. ამის შემდეგ იგი დროებით გადავიდა ბუენოს-აირესში, არგენტინაში, სადაც ამერიკის საელჩოში მუშაობდა.
2002 წლიდან იწყება მისი სამსახიობო კარიერა, თუმცა მას თავიდან პატარა სერიალებში მხოლოდ ეპიზოდურ როლებს აძლევდნენ ხოლმე. ამის შემდეგ მან ზედიზედ ითამაშა რამდენიმე წარმატებულ ფილმსა და სერიალში, 2011 წელს კი სერიალ „სარჩელებში“ შესრულებულმა რეიჩელ ზეინის როლმა სახალხო პოპულარობა მოუტანა.
მეგანს 2004 წლიდან მოყოლებული ჰქონდა თავის კოლეგასთან, ტრევორ ენგელსონთან სასიყვარულო ურთიერთობა, რომელიც 2011 წელს ქორწინებით დაგვირგვინდა, თუმცა მათი ქორწინება უიღბლო აღმოჩნდა, ამიტომაც 2013 წელს განქორწინებით დასრულდა.
2016 წელს ბრიტანეთის სამეფო ოჯახმა ოფიციალურად განაცხადა, რომ პრინც ჰარის რამდენიმე თვის განმავლობაში ჰქონდა ურთიერთობა მეგან მარკლთან. 2017 წლის 27 ნოემბერს ისინი დაინიშნენ, 2018 წლის 19 მაისს კი ქორწილის დღეც დაინიშნა.
პრინცი ჰარი არის დიდი ბრიტანეთის დედოფალ ელისაბედ II-ისა და ედინბურგის ჰერცოგ ფილიპე ბერძენის შვილიშვილი, როგორც უელსის პრინც ჩარლზისა და მისი პირველი ცოლის, პრინცესა დიანა სპენსერის უმცროსი ვაჟი და პრინცი უილიამის უმცროსი ძმა.
ქორწილამდე ცოტა ხნით ადრე, 2018 წლის 8 მარტს ბრიტანეთის სამეფო ოჯახმა მდინარე იორდანედან ჩამოტანილი წყლით ანგლიკანად მონათლა მეგანი, რათა ჰარიზე დაქორწინება შესძლებოდა. მის ნათლობას დაესწრო როგორც პრინცი ჰარი, ასევე მამამისი, პრინცი ჩარლზი და მისი მეორე ცოლი, პრინცესა კამილა. მისი 45 წუთიანი ნათლობის ცერემონიალი კენტერბერის ეპისკოპოსმა ჯასტინ უილბიმ ჩაატარა. ვინაიდან მარკლსა და ეპისკოპოსს კარგი ურთიერთობა აქვთ, მეგანმა მონათვლა მას თავად სთხოვა. უილბიმ მას ასევე შეასწავლა ანგლიკანური რწმენისათვის დამახასიათებელი წეს-ჩვეულებები. მიუხედავად იმისა, რომ ქორწილისთვის მისი მონათვლა აუცილებელი არ იყო, მეგანმა ეს ნაბიჯი ჰარის ბებიის, დედოფალ ელისაბედისადმი პატივისცემის ნიშნად გადადგა. აღსანიშნავია, რომ სწორედ ელისაბედია ანგლიკანური ეკლესიის წინამძღვარი.
2018 წლის 19 მაისს, უესტმინსტერში შედგა მეგან მარკლისა და პრინცი ჰარის ქორწინება, რის შემდეგაც მას სასექსის ჰერცოგინიობა უბოძეს. ამავე წლის 15 ოქტომბერს წყვილმა გამოაცხადა, რომ 2019 წლის გაზაფხულისათვის ბავშვს ელოდებოდნენ. 2019 წლის 6 მაისს მეგანმა თავისი პირველი ვაჟი გააჩინა, რომელსაც არჩი მონბატენ-უინძორი დაარქვეს.
2019 წლის აგვისტოში მეგანი და ჰარი მოგზაურობდნენ, რა დროსაც 4 პირადი თვითმფრინავით გადაადგილდებოდნენ, რასაც საზოგადოების მხრიდან კრიტიკა მოჰყვა. ამის მიზეზი ის გახდა, რომ მათმა თვითმფრინავებმა იმაზე შვიდჯერ მეტი გამონაბოლქვი გამოუშვა, ვიდრე 20 ჩვეულებრივი თვითმფრინავი ერთად გამოიმუშავებდა.
მართალია ქორწინების შემდეგ მეგანმა სამეფო ოჯახის წევრის სტატუსი და რამდენიმე ტიტულიც მიიღო, თუმცა 2020 წლის გაზაფხულისათვის ისინი სამეფო ოჯახის სტატუსის მოხსნას გეგმავენ. ჯერ კიდევ განხილვის საგანია, შეუნარჩუნდებათ თუ არა მათ წოდებები. ბრიტანეთის დატოვების შემდეგ ისინი აშშ-ში დასახლდნენ.
